सरकारं याकनं पूर्णता काइ : सिंचाईमन्त्री यादव

सिंचाई मन्त्री महेन्द्र यादवं प्रधानमन्त्री संयुक्त राष्ट्रया महासभाय् ब्वति कायेत अमेरिका वनेन्ह्यः हे सरकारं पूर्णता दइगु धयादिल ।

राष्ट्रिय यातायात उपभोक्ता महासंघ व राष्ट्रिय प्रजातान्त्रिक मजदुर संगठनं अःखतं गाडी न्ह्याकाः कीर्तिमानया दाबी याःम्ह झलकबहादुर थापायात सम्मान यायेत ग्वसाः ग्वःगु ज्याभmवलय् न्ववानादिसें मन्त्री यादवं शान्ति प्रक्रिया व संविधान निर्माणया ज्या धाःसा प्रधानमन्त्री लिहांवयेधुंकाः न्ह्यःने न्ह्याइगु धयादिल ।
वय्कलं सरकार नीस्वनेगु सन्दर्भय् जूगु प्यंगू बुदे सहमति कार्यान्वयनया नितिं प्रधानमन्त्रीलिसे इनाप यानाच्वंगु जानकारी बियादिसें स्वलायादुने सम्झौता कार्यान्वयन जुइमाःगु बिचाः तयादिल । वय्कलं माओवादी व मधेसी मोर्चा परिवर्तनकारी शक्ति जूगुलिं परिवर्तनयात संस्थागत यायेत सहमतिलिसे न्ह्यःने न्ह्यायेगुया विकल्प मदुगु दाबी यानादिल ।