कांग्रेस तत्काल सरकारय् मवनीगु

नेपाली कांग्रेस तत्काल सरकारय् मवनीगु जूगु दु । सरकारय् पार्टीया पाखें ब्वति काइगु मन्त्रीतय् नां ल्यय्गु निंतिं सोमवाः सुथय् च्वंगु बैठकं थंज्याःगु निर्णय याःगु खः ।

कोइराला निवासय् जूगु सहलहलय् वरिष्ठ नेता शेरबहादुर देउवा व कार्यवहाक सभापति सुशिल कोइरालां सरकारय् पार्टी पाखें नेतृत्व याइम्ह नेता थःगु पक्षया जुइमाः धकाः अडान कायेवं सहमति जुइमफुगु खः ।

उपसभापति रामचन्द्र पौडेलं सोमवाः पार्टी पाखें मन्त्रिमण्डलय् सुयानं नां सिफारिस मयाइगु खँ धयादिल । अथेहे, नेतात रामशरण महत व सुजाता कोइरालां मन्त्रिमण्डलय् कांग्रेसयात दइगु मन्त्रालयलय् सहमति जुइ धुंका: जक मन्त्रीतय् नां बारे सहलह याइगु खँ धयादिल ।