निम्ह दुजः दुगु मन्त्रिपरिषद् गठन
प्रधानमन्त्री माधवकुमार नेपालं थौं निम्ह दुजः दुगु मन्त्रिपरिषद गठन यानादीगु दु । प्रधानमन्त्री नेपालं एमाले उपाध्यक्ष विद्या भण्डारीयात व सुरेन्द्र पाण्डेयात मन्त्री नियुक्त यानादीगु खः । विद्या भण्डारीयात रक्षा मन्त्रालय व सुरेन्द्र पाण्डेयात अर्थ मन्त्रालयया जिम्मेवारी ब्यूगु दु ।
प्रधानमन्त्री नेपालं सपथ ग्रहण यायेधुंकाः राष्ट्रपतिया उपस्थिति नवनियुक्त मन्त्रीतय्त प्रधानमन्त्रीं सपथ ग्रहण याकादीगु खः ।
सत्ता साझेदार नेपाली कांग्रेसनाप थौं सुथय् जूगु सहलहलय् कांग्रेसया पाखें छ्वईपिं मन्त्रीतय् नां फ्वंगु खसां नां मवयेवं आःयात एमालेया निम्ह जक मन्त्रीत दुथ्यागु मन्त्रिमण्डल गठन याःगु खः । सुथय् कोइराला निवासय् जूगु शीर्ष नेतातय् बैठकय् मन्त्रालय व जिम्मेवारी बाँडफाँड लिपाः जक कांग्रेसं सरकारय वनिपिनि नां बीगु निर्णय जूगु खः ।
मन्त्रिपरिषदया बैठक थौ हे च्वनीगु ग्वसा: ग्व:यात:गु दु ।
