चर्तुवेदीयात सजायलय् २० प्रतिशत छुट
नेपाल वायु सेवा निगमया पुलाम्ह अध्यक्ष नापं आयल निगमया पुलाम्ह महाप्रबन्ध रामाज्ञप्रसाद चुतर्वेदीयात सर्वोच्च अदालतं वय्कःया सजायलय् २० प्रतिशत छुट बिउगु दु । भ्रष्टाचार याःगु ठहर यासें दत्या कैद नापं १ करोड २४ लख जरिवाना व उलि हे बिगो पुइकेगु निर्णय न्यंकूम्ह चतुर्वेदीं अदालतया फौसला कार्यान्वयनया निंतिं थः हे अदालतय् उपस्थित जूगुलिं उगु छुट बिउगु खः । छुट लिपा चर्तुवेदीं आः १ महिना व खुन्हु जक जेलय् च्वनेमालीगु जूगु दु ।
अदालतया फैसला कार्यान्वयनया निंतिं थः हे उपस्थित जूगुलिं सजायलय् २० प्रतिशत छुटया माग यासें चर्तुवेदीं निवेदन तःगु खः । मुलकी ऐनया दण्ड सजाय महलया ४१ (क)लय् फैसला जूगु मितिं खुइन्हु दुने अभियुक्त अदालतय् हाजिर जूसाः सजायलय् २० प्रतिशत छुट बिइफइगु व्यवस्था यानातःगु दु ।
वंगु भदौ २१ गते प्रधानन्यायाधीश खिलराज रेग्मी व न्यायाधीश सुशीला कार्कीया मंकाः इजलाशं चतुर्वेदीं भ्रष्टाचार याःगु ठहर यासें दत्या कैद व १ करोड २४ लाख तका जरीवानाया फैसला न्यंकूगु खः ।
