प्यंगू बुँदाया सहमतियात कयाः कांग्रेसया चिउताः
नेपाली कांग्रेसया नेतातय्सं सरकार नीस्वनेगु इलय् माओवादी व मधेशी मोर्चा दथुइ जूगु प्यंगू बुँदाया सहमतियात कयाः चिउताः प्वंकूगु दु ।
मिडिया भिजनं मंगलवाः यँेय् याःगु ज्याझ्वलय् नेता केसीं माओवादी व मधेशी मोर्चा दथुइया सहमितं राष्ट्रिय सम्मानय् समस्या वयेकूगु धयादीगु खः ।
वय्कलं लडाकु व ल्वाभः दुगु पार्टीं देय्या नेतृत्व यायेगु धइगु तसकं दुःखया खँ जूगु बिचाः तयादीगु खः । केसीं राज्यं दण्डित याःिपं मनूतय्त आममाफी बिइगु खँ नं पाय्छि मजूगु बिचाः प्वंकूगु खः ।
माओवादीइ अझ नं विद्रोही स्वभाव कायम हे दुगु धयादिसें वय्कलं माओवादीं याःगु प्रतिबद्धताप्रति विश्वास यायेमफइगु नापं धयादीगु खः ।
अथेहे संविधानविद् भिमार्जुन आचार्यं माओवादी व मोर्चादथुइया सम्झौता केवल बाबुराम भट्टराई प्रधानमन्त्री जुइगु नितिं हे जक जूगु दाबी यानादिसें थुकिं देय् व जनताया हितय् छु नं यायेमफइगु दाबी नापं यानादीगु खः ।
सरकार व माओवादीदथुइ आःतक्क न्यय्गू सहमति जूसां नं छु नं कार्यान्वयन मजूगु धयादिसें वय्कलं दुःख नापं प्वंकादीगु खः ।
