फोरम वैठकय् व्यस्त

सरकारय् सहभागीताया बिषयया बिवाद मिलय् यायेत ताःलाःसां नं नेतृत्वया बिषयसं धाःसा मधेशी जनअधिकार फोरमदुनेया बिवाद चुलुया वंगु दु । पार्टी नायः उपेन्द्र यादव पक्षधर केन्द्रीय समितिया निर्णयया आधारय् सरकारय् नेतृत्व यायेमाःगु अडान दुसा संसदीय दलया नेता बिजय कुमार गच्छदार पक्षधर धाःसा संबिधानसभा दलया निर्णयकथं सरकारय् पार्टीया नेतृत्व जुइमाःगु अडानय् दु ।

समाबेशी सिद्धान्तया आधारय् मन्त्रिमण्डलय् सहभागी जुइगु खँय् नेतात सहमत जूगु दु । सरकारय् वनेगु नेतृत्वया क्वःछुनालिपा जक हे मन्त्रित ल्ययेगु फोरम स्रोतं जानकारी ब्यूगु दु । फोरमं मन्त्रिमण्डल गठन जुइ न्ह्यः सरकारया साझा न्युनतम ज्याझ्वःयात बः ब्यूगु दु ।