राष्ट्रसंघया प्रतिनिधितय्सं प्रम भट्टराईयात नापलात
Posted on Sun Sep 11, 2011 1:34 pm NST
नेपाःस्थित संयुक्त राष्ट्रसंघया आवासीय प्रतिनिधितय्सं आइतवाः प्रधानमन्त्री डा. बाबुराम भट्टराईयात नापलाना खँल्हाबंला याःगु दु ।
प्रधानमन्त्री निवास बालुवाटारय् जुगु खँल्हबंलाय् राष्ट्रसंघया आवासीय प्रतिनिधि रोबर्ट पाइपरं नेपाःया शान्ति व संविधान निर्माण प्रक्रिया बारे च्यूताः प्वंकादीगु खः । लिसःलय् प्रधानमन्त्री भट्टराईं शान्ति प्रक्रिया तीव्र गतिइ न्ह्यानाच्वंगु धयादिसें दलत दथुइया गम्भीर सहलह लिपा लच्छि-लत्याया दुने शान्ति प्रक्रिया क्वचाइगु धयादिल ।
पाइपरं प्रधानमन्त्री भट्टराईया कार्यकालय् हे शान्ति प्रक्रिया व संविधान निर्माण यायेगु ज्यां पूर्णता काइगु विश्वास प्वंकादिल ।
News Location:
