प्रधानमन्त्री व कोइराला दथुइ खँल्लाबंला

प्रधानमन्त्री माधवकुमार नेपाल व कांग्रेस सभापति गिरिजाप्रसाद कोइराला दथुइ सरकार संचालन व मन्त्रीमण्डल गठनया बारे खँल्हाबंला जूगु दु ।

आइतवाः कोइराला निवास महाराजगंजय् जूगु खँल्हाबंलाय् एमाले व कांग्रेसं छु-छु मन्त्रालय कायेगु व सुयातः मन्त्रीमण्डलय् छ्वयेगु बारे नं सहलह जूगु खसां छुं निर्णय धासाः मजू । खँल्हाबंलाय् प्रधानमन्त्री नेपालं मेमेगु दलनाप जूगु खँल्हाबंला व सहमति बारे कोइरालायात जानकारी बियादीगु खः । अथेहे प्रधानमन्त्री नेपालं सोमवाः जुइगु सपथ ग्रहण बारे नं जनाकारी बियादीगु खँ कांग्रेस केन्द्रीय दुजः कृष्ण सिटौलां जानकारी बियादिल ।