थौं ९८क्वःगु वीपी जयन्ती

थौं नेपाःया न्हापाम्ह जननिर्वाचित प्रधानमन्त्री वीपी कोइरालाया ९८क्वःगु जम्म जयन्ती । नेपाली कांग्रेस लगायत थीथी संघसंस्थां बिचाः गोष्ठी, तुच्चा लगायत ज्याझ्वः यानाः वीपी जयन्ती हनाच्वंगु दु । वीपी जयन्तीया लसताय् येँया सुन्दरीजलय् च्वंगु वीपी संग्रहालयय् छगू विशेष ज्याझ्वः जुयाच्वंगु दु ।

वि.सं. १९७१य् थौं हे न्हि कुन्हु जन्म जुयादीम्ह कोइरालां १०४दँ ताःहाकःगु राणा शासन क्वचायेकाः प्रजातन्त्र स्थापना यायेत तःधंगु भूमिका म्हितादीगु खः । राणा शासन लिपा २०१५सालय् दकलय् न्हापांगु जूगु आम निर्वाचनय् वय्कः प्रधानमन्त्री निर्वाचित जुयादीगु खः । तत्कालीन जुजु महेन्द्रं २०१७सालय् 'कु' यायेधुंकाः ताः ई तक जेलय् च्वनादीम्ह कोइराला २०३९ साल साउन ६ गते मदुगु खः ।