प्रचण्ड, बैद्य व बाबुराम छगू हे थासय्

एकीकृत नेकपा माओवादीया नायः पुष्पकमल दाहाल प्रचण्डं पार्टीदुने अन्तर संघर्ष दुसां नं पार्टी विभाजन मजुइगु धयादिल । २०५४ सालय् आः स्वयाः अझ थाकुइगु संघर्ष दुगु दाबी यानादिसें वय्कलं संघर्ष व रुपान्तरणया विधिपाखें पार्टी छधी जुया वःगु धयादिल ।

गोरखाय् स्याम्ह माओवादी नेता शुरेस वाग्ले व भीमसेन पोख«ेलया झिंनिक्वगु स्मृति दिवसया लसताय् गोरखाय् याःगु ज्याभ्mवलय् न्वंवानादिसें वय्कलं शहीदत गुटया नितिं मजुसे क्रान्ति व पार्टी एकताया नितिं शहीद जुगु धयादिल ।

२०५४ सालया अन्तर संघर्षय् शहीद सुरेस वाग्लेया हे बिचारं हे पार्टी तज्याइगुपाखें ताःपाइगु नायः प्रचण्डं न्ह्यथनादिल । वय्कलं कांग्रेस व एमाले थेंज्याःगु माओवादी तज्छ्यायेत सहज मजूगु धयादिल । स्मृति सभाय् न्ववासें माओवादी बरिष्ठ न्वकु मोहन वैद्य किरणं पार्टीदुने विवाद दुगु धासें पार्टी तमज्याइगु न्ह्यथनादिल । किरणं पार्टीदुने न्ह्यानाच्वंगु अन्तर संघर्Èं पार्टीयात एकताबद्ध दयेकाः यंकेगु विश्वास यानादिल ।

पार्टीयात एकताबद्ध दयेकाः यंकेगु कुतः न्ह्यानाच्वंगु धासें वय्कलं पार्टी एमालेकरण जुइगु च्यूताः अप्वःगु व राष्ट्रिय स्वाधीनता व जनताया अधिकारया विषयलय् थःम्हं खँ ल्ह्वनाच्वनागु धयादिल । अथेहे मेम्ह न्वकु लिसे प्रधानमन्त्री डा. भट्टराई माओवादी खा (शिसा)या मजुसे नंया छेँ जूगु धयादिसें पार्टी तमज्याइगु धयादिल ।