प्रधानमन्त्री पदय् माधव नेपाल

न चुनाव त्याःम्ह खः न चुनावय् बहुमत वःगु पार्टीया नेता खः अय्नं अजूचायापुक हे देय्या प्रधानमन्त्री जुइगु ह्वःताः चूलाःगु दु एमालेया वरिष्ठ नेता माधव नेपालयात । म्हिगः च्वंगु संसदया बैठकं वय्कःयात देय्या न्हूम्ह प्रधानमन्त्री ल्यःगु खः । तःक्वःमछि हे प्रधानमन्त्री जुइगु चर्चा जुयाः नं वय्कः उगु पदय् वने मखनाच्वंगु खःसा थुगुसी नेपाली कांग्रेस समेतया ग्वाहािलं वय्कः देय्या सर्वोच्च कार्यकारी पदय् थ्यनेत सफल जुयादीगु दु ।

थुगुसी गुगु इलय् माधव नेपाल देय्या प्रधानमन्त्री जुयादीगु खः देशया लािगं माधव नेपालया छुं हे आवश्यकता जुयाच्वंगु मदु । देशं माधव नेपालया माग यानाच्वंगु नं मदु । केवल सत्ता समीकरणया कासां जक वय्कः प्रधानमन्त्री जुयादीगु खः । सरकारय् वनाः छुं याये धइगु विशेष म्यान्डेट ज्वनाः वय्कः प्रधानमन्त्री जुयादीगु मखु । उिकं सर-कारय् वनाः वय्कलं छु यानादी व छु प्रयोजनया लािगं वय्कः प्रधानमन्त्री जुयादीगु खः धइगु खँ सुनां नं मसिउ । लिसें थौैं देशया गुगु माहौल दु थुकी वय्कलं छुं याये फइगु अवस्था नं मदु । उकीमाथि माओवादी व वया कार्यकर्तातय्सं सरकारयात गुलि सते याइगु खः व स्वयेगु ला बाँकी हे दनि । माओवादी अध्यक्ष प्रचण्डं सरकार त्वःते न्ह्यः न्हू वयेत्यंगु सरकारयात कडा शव्दं विदेशी दवावं गठन जूगु सरकार धइगु द्वपं बियादीगु दु । थ्व सरकारयात माओवादीपाखें छुं नं कथं ग्वाहालि मजुइगु निश्चित दु । माओवादीं पिकाइगु हरेक हठकण्डाया सामना भाजु माधव नेपालं हे यानादी माली कांग्रेसया लािगं ला अबलय् छगू स्वयेबहगु तमाशा जक हे चूलाइ गुगु वं सवाः काकां स्वयाच्वनीगु खँय् शंका मदु ।

More Stories Like this