येँय् त्याईपं नं गैर नेवाः बुईपं नं गैर नेवाः
येँ (सन्ध्या टाइम्स) / प्रधानमन्त्री पदय् एमालेया वरिष्ठ नेता माधव नेपालयात नेपाः राष्ट्रिय पार्टीं नं समर्थन याःगु दु । म्हिगः सदनय् न्ववासें पार्टीया सभासद् बुद्ध साय्िमं थ्व समर्थन व्यक्त यानादीगु खः । वय्कलं अन पार्टीं छ्वया-हःगु समर्थनया पौ नेवाः भासं ब्वनाः न्यंकादीगु खः ।
माधव नेपालयात समर्थन भाषण बिसें वय्कलं स्वनिगःयात नेवाःतय् आदिभूमि धाःसां थन जुइगु चुनावय् त्याईपं नं गैर नेवाः बुईपं नं गैर नेवाः जुइ नेवाःत ला खालि दर्शक जक जुयाः स्वयाच्वनीगु जुइ धयादिल ।
लिसें वय्कलं न्हूगु सरकारं आदिवासी जनजातियात तं चायेकेगु ज्या याये मजिउ धासें संघीय व्यवस्थाया आधार जाति भाषा हे जुइमाः अन्य लिधंसाय् दयेकीगु संघीय व्यवस्थायात नेवाः लगायतया आदिवासीतय्सं स्वीकार याइ मखु धकाः नं ख्याच्वः बियादिल ।
