थःगु झिंच्यादँ बुन्हि हिदान यानाः हनादिसँ
येँ (सन्ध्या टाइम्स) / झिंच्यादँ क्यंपिं प्रत्येक ल्याय्म्ह ल्यासें थःपिनि झिंच्याक्वःगु बुन्हि हिदान यानाः हनादिसँ धइगु सन्देश बीगु ताः तयाः स्वनातःगु नेपाल स्वयंसेवी रक्तदाता समाजया दोल्खा जिल्ला शाखा नीस्वंगु दु ।
स्थानीय टाइगर टीम तिखा- तलया नायः रत्नबहादुर श्रेष्ठया सभापतित्वय् जूगु छगू मुँज्यां उगु शाखा नीस्वंगु खः । ज्याझ्वलय् समाजया केन्द्रीय नायः व शतक रक्तदाता प्रेमसागर कर्माचार्य मूपाहां कथं झाःगु खः । वय्कःपिंसं स्थानीय रुपं हे हिदान बारे उत्प्रेरणा ब्वलंके फुसा हिया समस्या समाधान याना वयेफइगु बिचाः प्वंकादिल ।
न्हू नीस्वंगु दोल्खा जिल्ला शाखाया नायः पदय श्याम गौतम च्वनादीगु दुसा न्वकु दमुना बुढाथोकी छ्यांज्ये जीवन लामा दांभरि पार्वती श्रेष्ठ व दुजलय् रत्न श्रेष्ठ शम्भु गौतम नारायण श्रेष्ठ राजु थामी हरिप्रसाद गौतम विनिता सुवेदी व आजना खड्का वःगु दु ।
