गृहप्रशासनयात दुरुस्त व भ्रष्टाचार मुक्त यायेगु गृहमन्त्रीया प्रतिबद्धता

उपप्रधान नापं गृहमन्त्री विजयकुमार गच्छदारं गृह प्रशासनयात चुस्त, दुरुस्त व भ्रष्टाचार मुक्त यायेगु प्रतिबद्धता प्वंकादीगु दु ।

गृहमन्त्रालयय् आइतवाः याःगु पत्रकार सम्मेलनय् वय्कलं देशय् शान्ति सुरक्षा कायम यायेत नीप्यघौ हे प्रहरी परिचालन यायेगु तयारी जुयाच्वंगु धयादिल । गृह प्रशासनयात राजनीतिक हस्तक्षेपपाखें मुक्त यायेगु धयादिसें वय्कलं थः देय्या नमुना गृहमन्त्री जुयाः क्यनीगु धयादिल ।

वय्कलं गृह प्रशासनय् दुगु भ्रष्टाचारयात शुन्य यायेगु प्रतिबद्धता नं प्वंकादिल ।