खराब ऋणी कारवाही प्रक्रिया न्ह्यात
येँ (सन्ध्या टाइम्स) / खराब ऋणी कारवाही अनुगमन समितिं नियतवश त्यासा मपूपिं खराब ऋणी मध्ये न्यागू करोड स्वयां अप्वः त्यासा पुले ल्यं दनिगु च्यागू ततःधंगु व्यापारिक कम्पनीयात कारवाहीया प्रक्रिया न्ह्याकूगु दु ।
समितिपाखें न्ह्याकूगु कारवाहीया प्रक्रिया अन्तर्गत न्हापांगु चरणय् दि फुलवारी लिमिटेड अमात्य समूह माउण्ट एभरेष्ट ब्रुअरी रोहित समूह त्रिवेणी डिष्टिलरी बागमति अप-रेल्स लक्ष्मीप्रसाद आचार्य लालवानी समूह वासुलिङ सुगर एण्ड जनरल इण्डष्ट्रिज लुना नेपाल केमिकल्स व बागमति ओरियण्टलया संचालकयात तत्काल कारवही यायेत्यंगु दु ।
समितिया संयोजकया कथं थुपिं प्रमुख च्यागुलिं कम्पनीया शुरुया त्यासा वयां लिपा थप जूगु त्यासा शुरुइ तयातःगु धितो लिपा थपघट जूगु धितोया बारे विस्तृत रुपं अध्ययन यायेगु ज्या जुयाच्वंगु दु ।
खराब ऋण धलखय् नां दुथ्याना च्वंपिं थुगु कम्पनीया संचालकतय् राहदानी रोक्का यानातःगु दुसा उमिसं तयातःगु धितो जफत यायेगु वा अज्याःगु उद्योग व्यवसाय् हाकनं संचालनय् हयेगु वातावरण दयेकेगु निंतिं नं समितिं ज्या यानाच्वंगु जानकारी बिउगु दु ।
उखे सरकारं खराब ऋणीत विदेश पलायन जुइफुगु अवस्थायात ध्यानय् तयाः उमित मालेगु व सुपुर्दगी प्रक्रियात अझ प्रभावकारी ढंगं कार्यान्वयन यायेत न्हूगु विधेयक हयेगु तयारी यानाच्वंगु दु ।
समितिं कारवाहीयात सशक्त रुपं न्ह्याकेत ग्वाहालि यायेत दक्वं बैंक व वित्तीय संस्थायात पत्र नं छ्वयेधुंकूगु दु । नापं खराब ऋणीया स्वंगू पुस्ताया नामय् येँ यल ख्वप पसा्र कास्की मोरङ चितवन रुपन्देही जिल्लाय् च्वंगु छेँ बुँया
विवरणया माग मोलपोत याःगु दु ।
