कृष्ण बहादुर मानन्धर स्मृति कोषंपाखें आर्थिक ग्वहालि
शिक्षाविद् व समाजसेवी कृष्ण बहादुर मानन्धरया लुमन्ति नीस्वंगु कृष्ण बहादुर मानन्धर स्मृति कोषं म्हिगः छगू ज्याझ्वःया दथुइ थीथी ख्यलय् योगदान यानाच्वंपिंत आर्थिक ग्वहालि याःगु दु ।
नेपालभाषा एकेडेमिया चान्सलर भाजु सत्यमोहन जोशीया मूपाहाँसुइ जूगु उगु ज्याझ्वलय् कृष्ण बहादुर मानन्धर तात्कालिनय् प्रिन्सिपल जुयादीगु स्कूल पद्मोदय हाईस्कूलयात निगू लख तका लःल्हानादीगु खः । अथेहे पंया स्कूल धका म्हसीकाच्वंगु व म्हतिं लय् सच्छि दामं ब्वकाःच्वंगु समता स्कुलयात न्हयेन्याद्वः व नेवाः भासं संचार ख्यलय् योगदान याःगु वापत नेवाः एफ.एम. सच्छि व खु फुति खु मेगाहर्जयात न्यय्द्वः तकाः लःल्हाःगु खः ।
लुमंकेबहःजु, नेवाः एफ.एम. सच्छि व खु फुति खु मेगाहर्जय् वंगु निलान्ह्यः निसें संचार नेपाल प्रा.लिं. सुथसिया इलय् न्हिन्हि बुखँलिसें थीथी अनुसन्धनात्म, मनोरानात्मक, समसामायिक विषयलिसें मचा साहित्य आदि विषयया ज्याझ्वःत न्ह्याकावयाच्वंगु खः ।
