पार्टी नेतृत्वया असक्षमता
नेपाली कांग्रेस केन्द्रीय दुजःतय्सं पार्टी नेतृत्वया असक्षमताया हुनिं सरकारया नेतृत्व यायेगु ह्वःताः त्वःफिउगु धासें कुंखिउगु दु ।
पार्टी ज्याकू सानेपाय् शनिवाः च्वंगु मुँज्याय् केन्द्रीय दुजःतय्सं पार्टी रणनीति ताःमलाःगु व अन्तराष्ट्रिय समुदायया विश्वास कायेमफूगु धासें कुंखिउगु खः ।
मुँज्याय् वरिष्ठ नेता शेरबहादुर देउवा पक्षं देउवां अन्तराष्ट्रिय समुदायं माओवादीयात न्हापां पाः बीत बिउगु सुझावयात सभापतिं वास्ता मयाःगु धासें कुंखिउगु दु । अथेहे गोपालमान श्रेष्ठ लिसें देउवा पक्षया नेतातय्सं बहुमतिय प्रकृयाया उम्मेदवार संसदीय दलया नेता रामचन्द्र पौडेलं ग्वाहालि मयागु धकाः बिउगु अभिव्यक्तियात कयाः आपत्ति प्वंकुगु खः ।
मुँज्याय् एकिकृत नेकपा माओवादीं लडाकूतय्गु ल्वाभः तयातःगु कन्टेनरया ताःचा लःल्हाःगु सकारात्मक जूगु टिप्पणी याःगु खः । तर वरिष्ठ न्वकू मोहन वैद्यं याःगु विरोध व सतक ब्वज्यायात कयाः आशंका नं याःगु दु ।
मुँज्याय् कन्टेनरया ताःचा लःल्हायेवं शान्ति प्रकृया न्ह्याःमवनीगु व उकिया नितिं ल्याः मापदण्ड आदि विषयस नं याकनं ज्या यायेमाःगु टिप्पणी याःगु दु ।
