कविन्द्रमान शाक्य फोटो पत्रकार समूहया न्हूम्ह नायः
फोटो पत्रकार समूह (एनएफपिजे)या खुक्गु मुँज्यां शनिवाः न्हूम्ह नायःलय् कविन्द्रमान शाक्ययात ल्यया क्वचागु दु ।
उगु मुँज्याय् शाक्यया नायःसुइ ११म्ह दुजः कार्यसमिति ल्यगु दु । कार्यसमितिइ हरिगोपाल प्रधान न्वकु, हरि रेग्मी मू छ्याञ्जे, किशोर श्रेष्ठ छ्याञ्जे व बालकृष्ण थापा दांभरि कथं सर्वसम्मत चयन जूगु खः । अथेहे दुजःलय् राम गुरुङ, राम सर्राफ, किरण पन्थी, देवकी विष्ट, नरेश श्रेष्ठ व महेशराज डंगोल निर्वाचित जूगु खः ।
खुक्वःगु मुँज्याय् गैर फोटो पत्रकारत हावी जुगू धासें एनएफपिजेया संस्थापक नायः चन्द्रशेखर कार्की व पुलाम्ह नायः विकास रौनियार नापं ३०म्ह व्यावसायिक फोटो पत्रकारतय्सं मुँज्या बहिष्कार याःगु खः ।
निवर्तमान नायः मीनरत्न बज्राचार्यं धाःसा बन्द शत्र कार्यतालिका स्यंकेगु कथं अप्रत्यासित माग तयाः अग्रज फोटो पत्रकारतय्सं मुँज्या बहिष्कार याःगु दाबी यानादिल ।
