मोर्चाय् मन्त्रालय भागबण्डाया खँ मिलेजुल
संयुक्त लोकतान्त्रिक मधेशी मोर्चाया ग्वाहालिइ डा. बाबुराम भट्टराई प्रधानमन्त्रीइ निर्वाचित जूगु छवाः लिपा अन्ततः मोर्चा दुने मन्त्रालय भागबण्डाया खँ मिलेजूगु दु । मोर्चा दुने भागबण्डा मिलेजुइवं कन्हय् मन्त्रिपरिषद विस्तार जुइगु सम्भावना अप्वःगु दु ।
तराई मधेश लोकतान्त्रिक पार्टीया नायः महन्थ ठाकुरया थिमिस्थित छेँ जूगु मोर्चाया मुँज्यां न्यागू घटक दथुइ मन्त्रालय बाँडफाँट याःगु खः । मोर्चां थप उपप्रधानमन्त्रीया पद कायेगु वा मकायेगु धइगु जिम्मा धाःसा प्रधानमन्त्री भट्टराईयात हे बिइगु निर्णय याःगु दु ।
भागबण्डा कथं फोरम लोकतान्त्रिकं उपप्रधानसहित गृह, रक्षा, वन तथा वातावरण मन्त्रालय, फोरम गणतान्त्रिकं सूचना तथा सञ्चार, कृषि व विना विभागीय मन्त्रालय, तमलोपां आवास तथा भौतिक योजना व कानुन, तमलोपा नेपालं सिँचाइ व महिला तथा बालबालिका व सदभावनां स्वास्थ्य मन्त्रालय कायेगु सहमति जूगु दु ।
