फोहोर वाकेत थौं वार्ता
येँ (सन्ध्या टाइम्स) / ओखरपौवाया स्थानीय वासिन्दां याःगु आन्दोलनया कारण येँय् मुनाच्वंगु फोहोर वायेगु निंतिं थौं स्थानीय विकास मन्त्रालयं सरोकारवाला व स्थानीय वासिन्दालिसे वार्ता यायेत्यंगु दु । वंगु न्यान्हु न्ह्यः पूर्व सहमति कार्यान्वयन मजूगु धासें स्थानीय वासिन्दां ओखरपौवाया डम्पिङ्ग साइटय् फोहोर वायेगु ज्या पना बिउगु खः ।
स्थानीय वासिन्दां अन २४ सैयाया अस्पताल दयेकेमाःगु स्थानीय वासिन्दायात रोजगारी बीमाःगु आदि माग यानाः न्यान्हु न्ह्यवंनिसें फोहोर वाके मबिउगु खः । डम्पिट साइट बन्द जूगुलिं येँया दुवाः दुवातय् हानं फोहोर द्वँचिनेगु शुरु जूगु दु ।
