सरकार याकनं क्वःदली : प्रचण्ड
यल (सन्ध्या टाइम्स) / नेपाःया राजनीतिक धरातलं पिने च्वनाः गठन याःगु सरकार याकनं क्वःदलीगु खँ निवर्तमान प्रधानमन्त्री व नेकपा माओवादीया अध्यक्ष पुष्पकमल दाहाल 'प्रचण्डं' धयादीगु दु । थौं सुथय् ग्वार्कोय् च्वंगु खन्ना गार्मेन्टय् जूगु जनयुद्धया घाइते व अपाङ्गतय् सम्मेलनय् न्ववासें वय्कलं उगु खँ धयादीगु खः ।
वर्तमान सरकार सहमति स्वयां नं गणतीय हिसाबं गठन जूगुलिं याकनं क्वःदलीगु दावी नं वय्कलं यानादिल ।
सरकार प्रतिक्रान्ति-कारीतय् नेतृत्वय् गठन जूगुलिं नागरिक सर्वोच्चता कायम यायेगु निंतिं अझ नं क्रान्ति आवश्यक दनि धासें वय्कलं माओवादी थःगु लक्ष्यं विचलित मजूगु खँ नं कनादिल ।
प्रधानमन्त्री पदं राजीनामा बीधुंकाः वय्कलं यानादीगु थ्व न्हापांगु सार्वजनिक संवोधन खः ।
