नीति व कार्यक्रम दयेकेत एमाले सक्रिय
येँ (सन्ध्या टाइम्स) / थः नेता माधव नेपालया नेतृत्वय् गठन जूगु सरकारयात आः गुकथं न्ह्याकेगु धकाः सहलह यायेत थौं एमाले स्थायी समितिया बैठक च्वंगु दु । बैठकय् सरकारया नीति व कार्यक्रम तयार यायेगु बारे सहलह जूगु खः । अथे हे मन्त्री जुइपिनि नांयात कयाः नं थौं सहलह जुइगु खँ धाःगु दु ।
उखे नेपाली कांग्रेसय् धाःसा सुयागु नेतृत्वय् सरकारय् वनेगु धइगु बारे आः तकं छुं निर्णय जूगु मदुनि । सरकारय् वनीपिनि बारे पार्टी दुने विवाद ब्वलनाच्वंगु दु । कांग्रेसय् रामचन्द्र पौडेल प्रकाशमान सिंह कुलबहादुर खड्का व विमलेन्द्र निधि मध्यय् छम्हेसिया नेतृत्वय् सरकारय् वनेगु निर्णय याये फइगु खँ धाःगु दु ।
थुकिया बारे सहलह यायेगु निंतिं थौं कांग्रेसया अनौपचारिक बैठक च्वनाच्वंगु दु ।
