'कन्हय् निसें लडाकु पुनःवर्गीकरण'

प्रधानमन्त्री डा. बाबुराम भट्टराईं कन्हय् निसें माओवादी लडाकुया पुनःवर्गीकरण न्ह्याइगु खँ धयादीगु दु । माओवादीया स्थायी समितिया मुँज्यां लडाकु पुनःवर्गीकरणया निंतिं कन्हय् छगू पुचः छ्वयेगु निर्णय लिपा प्रधानमन्त्री भट्टराईं छगू बिस्कं ज्याझ्वलय् उगु धापू सार्वजनिक यानादीगु खः ।

वंगु जेग १४ गते प्रमुख स्वंगू दलत दथुइ जूगु न्यागू बुँदे सहमति अनुगमन यायेत नीस्वंगु समितिया मुँज्याय् प्रधानमन्त्री भट्टराईं कन्हय् निसें लडाकु पुनःवर्गिकरण न्ह्याइगु व सेना समायोजन विशेष समितिइ हेरफेर जुइवं उगु समितिया निर्णय धथं लडाकुतय् ल्याः निर्धारण, मापदण्ड व प्रारुप प्याकेजय् सहमति यायेगु धयादिल ।