प्रम भट्टराईपाखें भ्रष्टाचार याइपिंत कारवाही यायेगु ख्याच्वः

प्रधानमन्त्री डा. बाबुराम भट्टराईं फुक्क कर्मचारीतय्त थःगु जिम्मेवारी पूवंकेत निर्देशन बियादीगु दु ।

सरकारया सचिवतय्त मंगलवाः सुथय् निर्देशन बियादिसें वय्कलं तत्काल सुनं कर्मचारीया सरुवा मजुइगु धयादिसें थःगु जिम्मेवारी इमान्दारिया नापं पूवंकेत निर्देशन बियादिल । वय्कलं ज्याय् ढिलासुस्ती याइपिं व भ्रष्टाचार मयायेत कडा निर्देशन बियादिसें अज्याःपिंत कारवाही यायेगु ख्याच्वः तकं बियादिल ।

वय्कलं महँगी व हाकु बाजाः नियन्त्रण यानाः उपभोग्य ज्वलँतय् सहज व सुपथ भावय् जनतायात उपलब्ध यायेगु वातावरण मिले यायेत नं सचिवतय्त निर्देशन बियादिल ।

प्रधानमन्त्री भट्टराईं मंगलवाः हे सुरक्षा निकायया प्रमुखतय्त नं नापलानाः देय्या सुरक्षा व्यवस्था सुढृद यायेत निर्देशन बियादीगु खः ।