प्रधानमन्त्री भट्टराईंपाखें सपथ ग्रहण
राष्ट्रपति डा. रामवरण यादवं न्हूम्ह प्रधानमन्त्री डा. बाबुराम भट्टराईयात पद तथा गोपनियताया शपथ ग्रहण याकादीगु दु ।
राष्ट्रपति भवन शितल निवासय् सोमवाः १ बजे जूगु छगू विशेष ज्याझ्वःया दथुइ राष्ट्रपति यादवं प्रधानमन्त्री भट्टराईयात शपथ ग्रहण याकादीगु खः । भट्टराईं शपथ ग्रहण यायेधुंकाः वय्कःलं मधेशी जनअधिकार फोरम लोकतान्त्रिकया नायः विजयकुमार गच्छदारयात उपप्रधान नापं गृहमन्त्रीया शपथ याकादीगु खः ।
सपथ ग्रहण समारोहलय् उपराष्ट्रपति परमानन्द झा, निवर्तमान प्रधानमन्त्री झलनाथ खनाल, सभामुख सुवासचन्द्र नेम्वाङ, प्रधानन्यायाधीश खिलराज रेग्मी, माओवादी नायः पुष्पकमल दाहाल 'प्रचण्ड', नेपाली कांग्रेसका सभापति सुशिल कोइराला, संसदीय दलका नेता रामचन्द्र पौडेल, प्रधान सेनापति छत्रमानसिंह गुरूङ नापं नेपाःस्थित कुटनीतिक नियोगया प्रमुखतय् उपस्थिति दुगु खः ।
