थुगुसीया तःमुँज्या यःसिंख्यलय् याइगु

ख्वप (सन्ध्या टाइम्स)/ स्वीछक्वःगु नेपालभाषा साहित्य तःमुँज्या थुगुसी ११ वडाया यःसिंख्यलय् याइगु जूगु दु। वइगु कौलाथ्व द्वादशी व त्रयोदशी (असोज २१ व २२ गते) अन तःमुँज्या यायेगु खँ तःमुँज्या मू गुथिया नायः कान्छा बासुकलाया अध्यक्षताय् जूगु मुँज्यां क्वःछिउगु खः। तःमुँज्या ताःलाकेत कुमार चवालया अध्यक्षताय् झिंन्हय्म्ह दुजः दुगु ग्वसाः खलः नं नीस्वंगु दु ।