सर्वोच्चं संविधानसभाया म्याद थप विरुद्ध लाःगु मुद्दा खारेज
सर्वोच्च अदालतं संविधानसभाया म्याद थप विरुद्ध दायर जूगु रिट खारेज याःगु दु । प्रधानन्याधीश खिलराज रेग्मी, न्यायाधीशत टपबहादुर मगर, दामोदर शर्मा, रामकुमार प्रसाद साह व कल्याण श्रेष्ठया विशेष इजलासं आइतवाः उगु रिट खारेज यायेगु निर्णय याःगु खः ।
संविधानसभाया म्याद थप यायेगु कथं अन्तरिम संविधानया गुक्वःगु संशोधनयात सर्वोच्चं आवश्यकताया सिद्धान्त कथं वैद्य जूगु ठहर याःगु दु । सर्वोच्चं थप याःगु अवधिलय् संविधान निर्माणया विषयलय् दलीय सहमति जुयाः शान्ति व संविधानया फुक्कं खँ क्वचायेमाःगुलिं संविधानया गुक्वःगु संशोधन बदर घोषित यायेमाःगु धकाः याःगु दावीइ सहमत जुइमफुगु खँ न्ह्यथंगु दु ।
वंगु जेठ १४य् संविधानसभाया म्याद स्वला थप यायेवं अधिवक्तात बालकृष्ण न्यौपाने व भरतमणि जङ्गमं उगु निर्णय असंवैधानिक धासें जेठ २२ गते रिट दायर याःगु खः ।
