बम विष्फोटया छानबिन जुइ : प्रधानमन्त्री नेपाल

नवनिर्वाचित प्रधानमन्त्री माधव नेपालं म्हिग सुथय् बम बिष्फोट जूगु यलया क्याथोलिक चर्चया निरीक्षण यानादीगु दु । वयेकलं घटनाप्रति दुःख प्वकूसें न्हूगु सरकारं घटनाया छानबिन यानाः दोषीतय्त कारवाही याइगु खँ धयादिल । वयेकलं अतिवादीतय्सं याःगु थंज्याःगु घटनायात सरकारं गम्भीरता पूर्वक कयाः कारवाही न्ह्याकी धयादिल ।

प्रधानमन्त्री नेपालं चर्चया निरिक्षण लिपाः बम विष्फोटय् लानाः घाःपाः जुपिंतः अल्का व पाटन अस्पतालय् वनाः नापलानादीगु खः ।

आइतवाः सुथय् जूगु बम विष्फोटय् लानाः निम्ह सीगु खसाः झिंस्वम्ह घाःपाः जूगु खः ।