माओवादी सभासद् जमकट्टेलयात आक्रमण
माओवादी सभासद् व मजदुर नेता शालिकराम जमकट्टेलयात शनिवाः बहनि बबरमहलया रातो भाले रेस्टुरेन्ट न्ह्यःने अज्ञात मनूखं आक्रमणा याःगु दु । मोबाइलय् खँल्हाबंला यानाः न्यासि वनाच्वंगु इलय् अज्ञात मनूखं लिउनें आक्रमण याःगु खँ सूचना तथा सञ्चार मन्त्री पोष्टबहादुर बोगटी धयादिल ।
व्यक्तिगत ज्याय् वनाच्वम्ह इलय् बहनिसिया जःछि पाः ८ इलय् छ्योनय् लवः नं प्रहार जुगु खः । घाइते नेतायात उपचारयानिंतिं थापथलिया नर्भिक अस्पतालय् भर्ना याःगु दु । लवः प्रहारयाये धुंका सतकय् ग्वर्तुम्ह नेतायात छम्ह मजदुरं अस्पतालय् थ्यंकाबिउगु खः । न्हापाला नेता शालिकरामयात गोली प्रहार याःगु धाःसां चिकित्सकतय्सं वय्कःयात धारिलो लवः नं प्रहार याःगु खँ धाःगु दु ।
