सर्वोच्चं संविधानसभाया म्यादबारे आइतवाः निर्णय न्यंकीगु

संविधानसभाया म्याद थप विरूद्ध लाःगु रिटय् सर्वोच्च अदालतं आइतवाः थःगु निर्णय न्यंकीगु जूगु दु । रिट निवेदक, सरकारी पक्ष व एमिकस क्युरीया पाखें शुक्रवाः बहस क्वचायेवं सर्वोच्चं आइतवाः थःगु फैसला न्यंकेत्यंगु खः ।

प्रधानन्यायाधीश खिलराज रेग्मी, न्यायाधीशत तपबहादुर मगर, दामोदरप्रसाद शर्मा, रामकुमारप्रसाद साह व कल्याण श्रेष्ठया विशेष इजलासय् शुक्रवाः रिट निवेदकयापाखें अधिवक्तात बालकृष्ण न्यौपाने, चन्द्रकान्त ज्ञवाली लगायतं बहस याःगु खः ।

वंगु जेठ १४य् संविधानसभाया म्याद स्वला थप यायेवं अधिवक्तात बालकृष्ण न्यौपाने व भरतमणि जङ्गमं उगु निर्णय असंवैधानिक धासें जेठ २२ गते रिट दायर याःगु खः ।