राप्रपा नेपालया प्यम्ह सभासद्त संसदं निलम्बित

संविधानसभा विघटनया माग यासें व्यस्थापिका संसदय् अवरोध थंपिं प्यम्ह राप्रपा नेपालया सभासद्तय्त समाभुख सभाषचन्द्र नेम्वाङं छन्हुया निंतिं निलम्बन याःगु दु । संसद अवरोध मयायेत सभामुख नेम्वाङं याःगु इनापया बेवास्ता यायेवं सभामुखं मार्सल लगे यानाः प्यम्ह सभासद्तय्त संसदया मुँज्यां पिने लिकागु खः । राप्रपा नेपालया सभासद्तय्सं संसदया मुँज्या न्ह्यायेवं संविधानसभा भंग यानाः ताजा जनादेशय् वनेमाःगु माग यासें रोष्ट्रम घेराउ याःगु खः । सभामुखं राप्रपा नेपाल संसदीय दलया नेता चन्द्रबहादुर गुरुङ, सभासद्त रामनारायण सिंह, बबिता मोक्तान व कुन्ती शाहीयात निलम्बन यानादीगु खः ।