माधव नेपालं प्रधानमन्त्रीया निंतिं मनोनयन दर्ता
नेपाल निर्विरोध जुइगु
प्रधानमन्त्री निर्वाचनया निंतिं नेकपा (एमाले)या वरिष्ठ नेता माधवकुमार नेपालं स्वसः व न्य्न्याम्ह सभासदतय् समर्थनया हस्ताक्षर सहित शनिवाः सुथय् थःगु मनोनय दर्ता यानादीगु दु ।
सुथय् झिताः ईलं निसें न्हिनये छताः ईलय् तक मनोनयन दर्ता यायेत संसद सचिवालयं ई ब्यूगु खः । वयेकायात नेपाली कांग्रेस लगायत संसदय् दुथ्याःगु नीछगू दलं समर्थन याःगु दु । प्रधानमन्त्रीया उम्मेदवार नेपालयात समर्थन मयाःगु एकीकृत नेकपा (माओवादी) व नेकपा (एकीकृतं) प्रधानम्त्रीया निंतिं उम्मेदवार दर्ता मयाइगु जुइवं वयेक निर्विरोध जुइगु जूगु दु । मनोनयन दर्ता लिपां वयेकलं संचारकर्मीत नाप छुं प्रतिक्रिया बियामदी । वयेकलं थम्हं सपथग्रहण लिपाः जक न्ववायेगु धयादिल ।
संविधानसभाय् दकलय् तःधंगु दल माओवादीं नागरिक सर्वोच्चतायात हाचांकाःया प्रधानमन्त्रीया निर्वाचन प्रक्रिया जुइत्यंगुलिं निर्वाचनय् ब्वति मकायेगु खँ धायेधुंकूगु दु ।
