सीमाय् निम्ह ठग ज्वन

येँ (सन्ध्या टाइम्स)/भारतय् ध्यबा कमे यानाः नेपाःया थःगु छेँय् वइपिं नेपाली मजदूरतय्त लँय् हे लुटे याइपिं निम्ह मनूतय्त प्रहरीं ज्वंगु दु। कमे याना हःगु ध्यबा ज्वनाः नेपाः वइपिं मजदूरतय्त सीमा लागाय् च्वनाः लुटे याइपिं कमल बुढा व खगेन्द्र रिजालयात महाकाली पारीया दोधारा गाविसपाखें नकतिनि ज्वना हःगु खः। उमिसं निम्ह मनूयात नशालु पदार्थ ल्वाकज्याःगु जुस त्वंकाः लुटे यायेगु कुतः याःगु खः ।