माओवादीं प्रधानमन्त्रीया निर्वाचन बहिष्कार याइगु

एकीकृत नेकपा (माओवादीं) संसदय् जुइगु प्रधानमन्त्रीया निर्वाचन प्रक्रियाय् ब्वति मकाइगु जूगु दु ।

शनिवाः सुथय् सभामुख सुवास नेम्वाङयात नापलानाः माओवादी नेतातय्सं नागरिक सर्वोच्चतायात हाचांकाःया न्हूगु सरकार गठन जुइत्यंगु धासें प्रधानमन्त्रीया निर्वाचन प्रक्रियाय् ब्वति मकायेगु जानकारी ब्यूगु खः ।

बालवटारय् च्वंगु सभामुख निवासय् वनाः माओवादी संसदीय दलया उपनेता नारायणकाजी श्रेष्ठं संसदय् न्ववाये धुंकाः निर्वाचन प्रक्रिया बहिष्कार यायेगु खँ धाःगु दु ।

माओवदीं प्रधानमन्त्रीं उम्मेदवारी दर्ता मयाइगु जुइवं एमाले नेता माधवकुमार नेपाल निर्विरोध प्रधानमन्त्री जुइगु निश्चित जूगु दु ।