संविधानसभाया म्याद थपया निंतिं प्रस्ताव दर्ता

सरकारं संविधानसभाया म्याद स्वलाया निंतिं थप यायेत अन्तरिम संविधानया झिक्वःगु संशोधन विधेयक संसद सचिवालयय् दर्ता याःगु दु ।मन्त्रिपरिषदया मुँज्यां संविधानसभाया म्याद स्वलाया निंतिं थप यायेगु निर्णय यायेवं सरकारया पाखें उपप्रधान नापं अर्थमन्त्री भरतमोहन अधिकारीया नेतृत्वय् वंगु पुचलं मंगलवाः न्हिनय् संशोधन प्रस्ताव दर्ता याःगु खः । वंगु जेठ १४ गते संविधानसभाया म्याद निक्वःगु खुसिइ क्वचायेवं भदौ १४गते तकया निंतिं म्याद थप याःगु खः ।