प्रधानमन्त्रीया निर्वाचनया कार्यतालिका प्रकाशित

बहुमतया आधारय् प्रधानमन्त्रीया निर्वाचन शनिवाः न्हिनय् स्वताः ईलय् जुइगु जूगु दु ।

शुक्रवाः प्रधानमन्त्री पुष्पकमल दाहाल प्रचण्डं व्यवस्थापिका संसदय् सम्बोधन यायेधुंकाः सभामुख सुवाषचन्द्र नेम्वाङं संसदया महासचिवयात शनिवाः जुइगु प्रधानमन्त्रीया निर्वाचन सम्बन्धि कार्यतालिका प्रकाशित यायेत निर्देशन बियादीगु खः ।

महासचिवं पिथंगु तालिका कथं कन्हय् झिताः ईलं निसें छताः ईलय् तक उम्मदवारी दर्ता यायेगु, छताःत्याः ईलय् उम्मेदवारया अन्तिम नामावली प्रकाशन यायेगु व स्वताः ईलय् निर्वाचन यायेगु न्ह्यथंनातःगु दु ।

आः तक प्रधानमन्त्रीया निर्वाचनया निंतिं एमालेया वरिष्ठ नेता माधवकुमार नेपालया जक नां दर्ता जूगु दु । कांग्रेस व एमालेया गठबन्धनं वयेकयात उम्मेदवार देयेकूगु खः ।