किपुलिइ ऐतिहासिक लाखे महोत्सव
ज्ञान बहादुर महर्जन 'नेवा:'
स्वनिगःब्यापि ऐतिहासिक लाखे महोत्सव म्हिगः किपुलिइ तःजिक क्वचाल । म्हीग व म्हिगः (भाद्र २ व ३ गते) निन्हुयंकं जुइ धयाःतःगु खःसां म्हीग न्हिच्छि धइथें हे वा वःगुहुनिं म्हीग छन्हु स्थगित याःगु खःसा म्हिगः धाःसां सुथांलाक न्ह्याःगु दु ।
सभासद् दिलिप महर्जनं सुकुन्दा च्याकाः उलेज्या यानादीगु थुगु लाखे महोत्सवय् तोखा, थापाःहिति यल, सतुंगः, तापख्यः, मच्छेगां, लुभु, चोबाहाः(निगू) महाब्वः दाफा खलः पांगा, म्वानःत्वाः दाफा खलः, इटाछेँ ह्वाकंचा, थांबाहाः लाखे गुथि, फंपि, द्यःध्वाखा, पागु त्वाः पांगा व भाजंगाःया लाखेपिंसं थःथःगु हुलाप्याखँ न्ह्यःब्वःगु खः ।
थुगु महोत्सवलय् ख्वपया घिन्ताङ्गकिसि त्वाक्क किपूया अमल्सीनिसें लाय्कूतक लँय् प्याखँ हुलाःवःगुलिं किपूमितय्त आकर्षित याःगु ग्वसाःखलः नेवाः साँस्कृतिक दबूया नायः बीर प्रसाद भंसारी जानकारी बियादिल ।
