माओवादी संकल्प प्रस्तावया अर्थ

दिनाच्वंगु सदन हानं चले याकेगु लािगं माओवादी तयार जूगु दु । बरु उकिया लािगं राष्ट्रपतिया पलाः विरुद्ध सदनय् संकल्प प्रस्ताव तयेगु व उकी सहलह यायेगु अडान धाःसा लागू याकेगु खँ नं वं धाःगु दु । माओवादीया संकल्प प्रस्ताव सदनय् प्रवेश याकेगु सर्तय् सदन चले यायेगु सहमति जूगु खः । माओवादीं सदनय् यानाच्वंगु अवरोध चीकीगु जुइवं आः एमाले-कांग्रेस गठबन्धन सरकार स्वनेत नं अःपुइगु जूगु दु । उकिया िनंितं निगू पार्टीं तयारी नं यायेधुंकूगु दु ।

तर माओवादीं दर्ता याये धाःगु संकल्प प्रस्तावयात कयाः धाःसा थीथी कथंया विवाद पिहां वःगु दु । राष्ट्रपति विरुद्ध सदनय् महाभियोगया प्रस्ताव छगू बाहेक मेगु छुं हे प्रस्ताव तये मजिउगु कारणं संकल्प प्रस्ताव तये मजिउ धयाच्वंगु दुसा नापं राष्ट्रपतिया पलाः बारे सर्वोच्च अदालतय् मुद्दा न्ह्यानाच्वंगु कारणं उकियात कयाः सदनय् सहलह याये मजिउ धइगु नं खँ पिहां वयाच्वंगु दु । थज्याःगु परिस्थितिइ संकल्प प्रस्ताव गय् यानाः दर्ता जुइ व उकियात गय् यानाः सहलह न्ह्याकी धइगु स्वाभाविक न्ह्यसः पिहां वःगु दु । उकिसनं संकल्प प्रस्ताव पारित यायेत संसदया बहुमत माः । थ्व इलय् माओवादीयाके बहुमत मदु । उिकं वयागु प्रस्ताव पारित जुइगु सम्भावना म्हो जक दु । थःिपंसं तयागु प्रस्तावय् मेिपंसं नं भोट बी हे माः धकाः माग यायेगु पाय्छि मजुल । उिकं माओवादीया थ्व प्रस्ताव केवल सदनय् प्रवेश याकेगु थें जक जुइ कार्यान्वयन जुइगु छुं हे गुन्जायस मदु । अथे खःसां माओवादीं थुकी गुलि गर्व धाःसा अवश्य याइ कि वं असंवैधानिक पलाः ल्ह्वंम्ह राष्ट्रपति विरुद्ध सदनय् हरसम्भव कुतः यानागु दु त्वःतागु मदु ।

More Stories Like this