बन्द ताःलाकेत नेवाः जागरण माचया तयारी
येँ सन्ध्या टाइम्स÷ जेठ १८ गते नेपालमण्डल बन्द ताःलाकेत नेवाः स्वायत्त राज्य मंकाः संघर्ष समितिया छगू घटक नेवाः जागरण माचं थीथी ज्याझ्वः याइगु जूगु दु ।
माचं जेठ १८ गतेया बन्द ताःलाकेत थःपिनि सकल कवः कचाया बैठक च्वनाः बुंगय् थ्वहे वइगु जेठ १५ गते माचया बुंग कचाया ग्वसालय् छगू सभा यायेगु निर्णय याःगु दु । सभाय् माचया सल्लाहकार डा। महेशमान श्रेष्ठं मूपाहां कथं न्ववानादी । उगु सभाय् जेठ १८ या नेपालमण्डल बन्द व शहरीकरण विधेयकयात कयाः सचेतना याइगु ग्वसाः दु । नेवाः जागरण माचया कवः सुरक्षा माचयात नं बन्दया न्हि जेठ १८ गते स्वनिगः दुने बन्द सफल यायेगु िनंितं विशेष रुपं परि-चालन यायेगु िनंितं थ्वहे वइगु मंगलवाः बैठक च्वनीगु जूगु दुसा अथे हे जागरण माचया कवः व्यापारी माच संकिपा माचया बैठक नं च्वनेत्यंगु दु ।
अथे हे जेठ १८ गते नेवाः स्वायत्त मंकाः संघर्ष समिितं घोषणा याःगु नेपालमण्डल बन्द ज्याझ्वः हलिमय्न्यंक प्रचारप्रसार यायेगु िनंितं नेवाः जागरण माचया वैदेशिक कवः नेवाः जागरण माच जापान इटाली लण्डन बोत्सन अमेरिकाय् नं बैठक सःताः सहलह ज्याझ्वः यायेगु व इमेल इन्टरनेटपाखें व्यापक रुपं प्रचारप्रसार यायेगु िनंितं नेवाः जागरण माचपाखें निर्देशन बिउगु दु ।
अथे हे बन्द ज्याझ्वः व्यापक रुपं प्रचारप्रसार यायेगु िनंितं स्वनिगः दुनेया माचया दुजःतय्त बजाः चुक बहाः ननी सकतां थासय् पोष्टरिङ्ग पर्चा वितरणलिसें सभा भेला यायेत निर्देशन बीधुंकूगु दु ।
