शान्ति व संविधान निर्माणप्रति नेतातपाखें प्रतिबद्धता
प्रमुख स्वंगू दलया शीर्ष नेतातपाखें शान्ति प्रक्रियायात तार्किक निषकर्षय् थ्यंकेगु व संविधान निर्माण प्रक्रिया पूवंकेगु खँय् प्रतिबद्धता प्वंकूगु दु । स्वंगू दलया शीर्ष नेतातय्सं शान्ति व संविधान निर्माण यायेत राष्ट्रिय सहमतिय सरकार आवश्यक जूगु धासें उकि नं थःपिं प्रतिबद्ध जूगु खँ धाःगु दु ।
जेठ १४ गते संविधानसभाया म्याद थप याये न्ह्यः स्वंगू दलत दथुइ जूगु न्यागू बुँदे सहमति अनुगमन यायेत नीस्वंगु संसदीय अनुगमन समितिया मुँज्याय् प्रधानमन्त्री झलनाथ खनाल, माओवादी नायः पुष्पकमल दाहाल 'प्रचण्ड' व कांग्रेस सभापित सुशील कोइरालां उगु प्रतिबद्धता प्वंकूगु खः । सभामुख सुभाषचन्द्र नेम्वाङया सक्रियताय् जूगु मुँज्याय् प्रधानमन्त्री खनालं शान्ति प्रकृया व सेना समायोजनया बारे प्रस्ताव न्ह्यब्वयादीगु खः । उगु इलय् प्रधानमन्त्री खनाल व कांग्रेस सभापित कोइरालां शान्ति प्रक्रिया व संविधान निर्माणप्रति माओवादी गम्भीर व जिम्मेवार जुइमाःगु धायादीगु खः ।
माओवादी नायः प्रचण्डं शान्ति प्रक्रिया पूवंकेत थःगु पार्टीं फक्वः कुतः यानाच्वंगु धयादिल । वय्कलं भदौ १४ गते दुने शान्ति प्रक्रियाय् ठोस प्रगति जुइगु विश्वास नं प्वंकादिल ।
