बहुमतिय सरकार गठन जूसाः एमाले प्रतिपक्षय् च्वनीगु

नेकपा (एमालें) आः गठन जुइगु सरकार हानं बहुमतिय हे जूसाः थःगु पार्टी प्रतिपक्षय् च्वनीगु निर्णय याःगु दु ।

एमाले संसदीय दलया थौं च्वंगु मुँज्यां बहुमतिय सरकारं शान्ति व संविधान निर्माण यायेमफइगु निष्कर्ष पिकासें बहुमतिय सरकार गठन जूसाः प्रतिपक्षय् च्वनीगु निर्णय याःगु खः । प्रतिपक्षय् च्वंसां शान्ति व संविधान निर्माणया निंतिं धाःसा रचनात्मक भूमिका म्हितेगु खँ क्वःछिगु दु ।

अथेहे संसदीय बोर्डं चक्रिय प्रणाली कथं सहमतिय सरकार गठन यायेमाःगु खँय् बः बिउसें न्हूगु संविधान घोषणा यायेगु इलय् तक माओवादीया, संविधान घोषणा लिपा कांग्रेसया व चुनाव यायेगु इलय् एमाले नेतृत्वया सरकार निर्माण जुइमाःगु प्रस्ताव तःगु दु । बोर्डं उगु प्रस्ताव सहलहया निंतिं केन्द्रीय कमिटिया मुँज्याय् छ्वःगु दु ।