नेपालभाषाया अपमान

येँसन्ध्या टाइम्स÷ देशय् समावेशीकरणया सः तच्वयाच्वंगु हे इलय् शिक्षा ख्यलय् नेपालभाषायात गुलि हेपे यानाच्वन धइगु खँ नक- तिनि क्वचाःगु प्लस टुया परिक्षाय् खने दत ।

थ्व परिक्षाया झ्वलय् वंगु जेठ ४ गते नेपालभाषाया जाँच लाःगु खः । नेपालभाषा जाँच बीत किपूया न्हय्म्ह विद्यार्थी कलंकीया रिचमण्ड उमावि सेन्टर थ्यन । तर जाँच शुरु जूगुयां १ घण्टा तकं न्ह्यसःपौ क्वइशन थ्यंकः मवः । उखेंथुखें फोन यानाः बल्ल न्ह्यसःपौ थ्यंकः ला वल तर व खंबलय् धाःसा परिक्षार्थीतय्सं थः व थःगु भाय्या तसकं अपमान जूगु महसुस यायेमाल । उगु न्ह्यसःपौ टाइप तकं मयासें गथे ल्हातं च्वयातःगु खः अथे हे फोटोकपी जक यानाः इने हःगु जुयाच्वन । गुकी गुलिखे झ्वः गिजिमिजि जुइक स्याना तःगु दुसा गुिलं झ्वः बांलाक सी तकं मदु । उकी उच्च मावि परिषद्या छाप छगू तयातःगु दु । स्वंगू पेज दुगु न्ह्यसःपौया स्वंगुिलं पेज फोटोकपी जुयाः वःगु खः । अथे टाइप तकं मयासे अपमानपूर्वक न्ह्यसःपौ इने हःगुिलं विद्यार्थीतय्सं दुःख प्वंकूगु दु ।