चीन सरकारं नेपाःयात छगू अर्ब ३७ करोडया अनुदान ग्वाहालि
चीन सरकारं नेपाःयात छगू अर्ब ६७ करोड अनुदान ग्वहालि याइगु जूगु दु । स्वन्हुन्यंकया नेपाः भ्रमणय् दुगु उच्चस्तरीय चिनियाँ पुचः व नेपाः सरकार दथुइ थौं चीन सरकारं पारस्परिकरुपय् सहमतिय याःगु विकास परियोजनाया कार्यान्वयनया निंतिं उगु अनुदान ग्वाहालि यायेगु सम्झौता जूगु खः ।
प्रधानमन्त्रीया ज्याकू सिंहदरवारय् प्रधानमन्त्री झलनाथ खनाल व उच्चस्तरीय चिनियाँ पुचःया उपस्थितिइ अनुदान ग्वाहालि सम्झौता जूगु खः । सम्झौताय् नेपाःया पाखें अर्थ सचिव कृष्णहरि बाँस्कोटा व चीन सरकारया पाखें उपवाणिज्य मन्त्री चेन जियाङं ल्हाःचिं तयादीगु खः ।
नापं चीन सरकारं नेपाल प्रहरीया सुरक्षा उपकरणया निंतिं ११ करोड बराबरया अनुदान ग्वहालि यायेत नं सहमति प्वंकूगु दु ।
अथेहे चीनया आयात निर्यात बैंक (एक्जिम बैंकं) येँ २२० केभी प्रसारण लाइन व माथिल्लो त्रिशुली ३ए जलविद्युत परियोजनाया १३२ केभी बे एक्सटेन्सन परियोजना कार्यान्वयनया निंतिं नेपाः सरकारयात छगू अर्ब ७० करोड ३० लाख त्यासाः ग्वाहालि याइगु जूगु दु ।
थुगु सम्झौताय् अर्थसचिव बाँस्कोटा व चीनया आयात निर्यात बैंकया उपाध्यक्ष लि जुनं ल्हाःचिं तयादीगु दु ।
