भट्टराईया नेतृत्वय् सरकार गठन यायेत मधेशी मोर्चा सकारात्मक
एनेकपा (माओवादी)या न्वकु डा. बाबुराम भट्टराईया नेतृत्वय् राष्ट्रिय सहमतिय सरकार गठन यायेत संयुक्त लोकतान्त्रिक मधेशी मोर्चा सकारात्मक खनेदुगु दु ।
माओवादीया शीर्ष नेता व मोर्चाया नेतात दथुइ बुधवाः मधेशी जनअधिकार फोरम (लोकतान्त्रिक)या संसदीय दलया ज्याकूथी जूगु खँल्हाबंलाय् मोर्चां राष्ट्रिय सहमतिय जूसाः माओवादी नेतृत्व स्वीकार्य जूगु खँ धाःगु खः ।
आःया ईलय् माओवादी वा कांग्रेसया नेतृत्व स्वयां नं राष्ट्रिय सहमतिय सरकार आवश्यक जूगु बिचाः प्वंकूसें मोर्चाया नेतातय्सं कांग्रेसनापया सहलह लिपा सुयात ग्वाहालि यायेगु बारे निर्णय यायेगु लिसः बिउगु खः ।
खँल्हाबंला लिपा माओवादी न्वकु भट्टराईं मुँज्या राष्ट्रिय सहमतिय सरकारया विकल्प मदुगु खँय् केन्द्रीत जूगु धयादिसें मोर्चां माओवादी नेतृत्वयाय् सरकार गठन यायेत सकारात्मक निर्णय याइगु विश्वास प्वंकादिल ।
