भट्टराईया नेतृत्वय् सहमतिय सरकार गठन यायेगु माओवादी निर्णय

एकीकृत नेकपा (माओवादीं) न्वकु डा. बाबुराम भट्टराईया नेतृत्वय् सहमतिय सरकार गठन यायेगु निर्णय याःगु दु ।

प्रधानमन्त्री झलनाथ खनालया राजीनामा लिपा सहमतिय सरकार गठनया निंतिं पार्टीया निर्णय यायेत थौं च्वंगु माओवादी पदाधिकारी मुँज्यां भट्टराईया नेतृत्वय् सहमतिय सरकार गठन यायेगु निर्णय याःगु खः ।

मुँज्यां आः गठन जुइगु सरकारया स्वरुप सहमतिय जुइमाःगु खँय् बः ब्यूसें अज्याःगु सरकारया नेतृत्व भट्टराईयात याकेत कन्हय् निसें हे पहल यायेगु निर्णय नं याःगु दु । राष्ट्रपति डा. रामवरण यादवं भदौ ४ गते तकया ई बिउगुलिं उगु हे समयसीमा दुने माओवादी नेतृत्वय् सहमतिय सरकार गठन यायेत माओवादीं थीथी दलत नाप वार्ता याइगु जूगु दु ।