'अवसर दुसाः देउवा प्रधानमन्त्री'

तत्कालया निंतिं कांग्रेसया विवाद समाधान

नेपाली कांग्रेसया सभापति सुशील कोइरालां सहमतिय सरकारया अवसर दुसाः शेरबहादुर देउवाया नां प्रस्ताव यायेगु आश्वासन बिइवं कांग्रेस दुनेया आन्तरिक विवाद तत्कालयान निंतिं समाधान जूगु दु ।

देउवां संसदीय दलया नेता रामचन्द्र पौडेल विरुद्ध संसदीय दलय् अविश्वासया प्रस्ताव दर्ता यायेगु ख्याच्वः बियाच्वंगु इलय् मंगलवाः सुथय् पार्टी नेतात दथुइ सहमति जूगु खः । कांग्रेस सभापति कोइरालाया महाराजगञ्जस्थित छेँय् देउवा व पौडेलया उपस्थितिइ नेतात दथुइ सहमति जूगु खः ।

सहमति कथं यदि सहमतिय सरकारया नेतृत्व यायेगु अवसर दुसाः देउवाया नां प्रस्ताव यायेगु व बहुमतिय सरकार जूसाः पौडेलया नां प्रस्ताव यायेगु सहमति जूगु खः । सहमतिय लिपा नेता देउवां पौडेल विरुद्ध अविश्वासया प्रस्ताव दर्ता मयाइगु जूगु दु ।