सहमतिय सरकार गठन यायेत राष्ट्रपतिपाखें आव्हान / आइतवाः तकया समयसीमा

राष्ट्रपति डा. रामवरण यादवं सहमतिय सरकार गठन यायेत राजनीतिक दलतय्त आव्हान यानादीगु दु । प्रधानमन्त्री झलनाथ खनालं आइतवाः बहनी राजीनामा बिइवं राष्ट्रपति यादवं सोमवाः सुथय् छवाःया दुने न्हूगु सहमतिय सरकार गठन यायेत आव्हान यानादीगु खः ।

वय्कलं अन्तरिम संविधान-२०६३या धारा-३८या उपधारा (१) कथं संविधानसभाय् दुथ्याःगु राजनीतिक दलतय्त सहमतिय सरकार गठनया निंतिं भदौ ४ गते तकया ई बियादीगु खः । राजनीतिक दलतय्सं भदौ ४ गते तकया समयसीमाय् सहमतिय सरकार गठन यायेत असफल जूसाः राष्ट्रपति यादवं अन्तरिम संविधानया धारा-३८या उपधारा (२) बमोजिम बहुमतिय सरकार गठनया निंतिं आव्हान याइगु संवैधानिक प्रावधान दु ।