थौं सापारु हनाच्वन
थौं गुलांगाः पारु अथे धइगु सापारु । स्वनिगः लगायत देय्या थीथी थासय् आः सापारु तःजिक हनाच्वंगु दु ।
थौंया न्हियात सायाः नं धा । थौं स्वनिगःया थीथी थासय् सायाः पिदनीगु दु । दच्छिया दुने गनं नं छेँय् सुं दुजः मन्त धाःसा वया लुमन्ति कथं सा दयेका देय् चाःहिइकीगु चलन दु । येँ व ख्वपय् थौंया दिनय् सायाः पिथनीसा यलय् कन्हय् मतयाः पिथनी । किपुलिइ दँय्दसं थें थौं नं सायाः (झें झें पापा) पिदनीगु दु । थीथी त्वालं ग्वसाःग्वइगु थुगु सायाः थुगुसी थौंया सायाः थनया द्यःध्वाखा त्वालं पिथनीगु खः । थ्व सायाः किपू देय् चाःहिला बहनी देय्पुखुलिइ म्येय् छ्यं कायेगु जात्रा नं जुइ ।
देय्या शासन व्यवस्थायात ध्याचु नकेत छुट दुगु थ्व सायाः झाः या इलय् थीथी ख्यालः त क्यनीगु चलन दु ।
