रोजी महर्जनया हत्याया विरोधय् थौं यल बन्द
यलया मय्जु रोजी महर्जनया हत्याया विरोध व हत्यारातय्त कडा कारवाहीया माग यासें ज्यापु समाज यलं थौं यल बन्दया घोषणा यानातःगु दु । थुकिया प्रभाव यललिसें यें व ख्वपय् नं लानाच्वंगु दु । बन्दया कारणं सार्वजनिक सवारी बांलाक सुचारु जुइफुगु मदुनि ।
बन्दया झ्वलय् आः सुथय् ७ बजे यलया यलध्वाखा छगू जुलुस पिदनीगु जूगु दु । थुगु जुलुस थ्व इलय् यल देय् चाःहिलीगु खँ धाःगु दु । थुकिया लिसे स्वतःस्फुर्त रुपं थीथी थासय् टायर च्याकाः विरोध न्ह्यानाच्वंगु दु ।
डेटिंगया बहानाय् लेलेय् सःताः थः मतिनामि सुभाष उप्रेतीं पासापिनि ग्वहालिइ महर्जनयात गोलीं कयेका स्याःगु खः । अभियुक्त रेग्मीयात प्रहरीं थःगु हिरासतय् तयातःगु दु । उगु घटनाय् स्वापू दुपिं सचित खड्का व हुसेन राईयात नं प्रहरीं ज्वनेधुंकूगु दु ।
मदुम्ह महर्जन नेपालभाषाया टिभी ज्याझ्वः ख्वताबजिया छम्ह कलाकार नं खः वय्कलं सन् २००७ या मीस नेवाः ज्याझ्वलय् नं ब्वति कयादीगु खः ।
Related Stories
मिसाया हत्या यानाः वांछ्वयातःगु लाश जंगलय् लुइकल कन्हय् यल बन्दया आह्वान
