बूगु लिट्टे जक खः तामिल जनता मखु
बिस्कं जातीय राज्यया माग यासें श्रीलंकाय् वंगु २७ दँ न्ह्यवंनिसें न्ह्यानाच्वंगु सशस्त्र युद्धया अन्त्य जूगु घोषणा अनया सरकारं याःगु दु । उगु युद्धया नेतृत्व यानाच्वंगु संगठन लिट्टे आः पूर्ण रुपं ध्वस्त जूगु व उकिया नेता भेलुपिल्लइ प्रभाकरण नं युद्धय् सीधुंकूगु दावी सरकारया दु । लिट्टे ध्वस्त जूगु लसताय् श्रीलंकाय् तःधंगु उत्सव हनाच्वंगु दुसा उखे सरकारं थुबलय् ति श्रीलंकाय् राष्ट्रिय एकता कायम जूगु गबलें मदुनि धकाः गर्व नं याःगु दु ।
तर श्रीलंकाय् थपाय्धंगु उत्सव हनाच्वंगुया दथुइ अनया अल्पसंख्यक तामिल जनतां छु बिचाः यानाच्वन व उमिसं सरकारया थ्व विजययात छु रुपं कयाच्वन धइगु खँ धाःसा पिहां वःगु मदुनि । तामिल जनताया लािगं संघर्ष यानाच्वंगु छगू सशक्त पुचःया अवसानं लिट्टेप्रति असन्तुष्ट खःसां नं मुद्दाप्रति आशावादी तामिलतय् नुगः अवश्य नं भःभः न्हुयाच्वंगु दयेमाः । लिसें आः श्रीलंका दुने थःपिनिगु छु अस्तित्व जुइगु जुइ धकाः चिन्तित नं जुयाच्वंगु दयेमाः । थ्व युद्धय् श्रीलंकाली सरकारं बुकूगु लिट्टेयात जक खः । तामिल जनतायात मखु । लिट्टेया अवसान जूसां तामिल जनताया म्हगस जीवित दनि धइगु अनुभूति राज्यं बीमाः । लिट्टेयात बुकेधुंकाः आः तामिल जनताया आशा- यात गय् यानाः म्वाकेगु खः उखेपाखे सरकारं ध्यान बीमाःगु आवश्यकता दु । मखुसा श्रीलंकाय् लिट्टे सिनावंसां युद्ध ल्यनाच्वनी । युद्धया अन्त्य जुइवं द्वन्द्व क्वचाल धाये फइ मखु । मदयेके माःगु उगु द्वन्द्वयात खः गुकिया िनंितं तामिल जनतां फ्वनाच्वंगु स्वायत्त शासनया माग पूवंका बीगु हे आः राज्यया मू दायित्व जुइमाः ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
